حكاية غرام
و حبيتك أميرة من حكاوي زمان
الورد أحمر علي خدودك و الخال سلطان
و شعرك ليل خيالى علي ضهرك يا غصن البان
و الخطوة ع الأرض نغم و العيون عيون غزلان
و خلخال القدم يسحر بيعزف أجمل الألحان
و قلبى يدق ف ضلوعى و يعزف كعود و كمان
و عيونى تشوف صورتك تسبح لربى بكل إيمان
و الروح تهجرنى و تروح لك طالبة الصفح والغفران
و كل ليلة باكتب لك رسالة عشق لحد ما عملت ديوان
و كلامى بيوصف لك غرامى و شوقى يا قمر بالسما سرحان
و بقيت فى ساحة عشقنا فارس و ف بحر الغرام قبطان
و حسيت أنى أمير فى حواديت المغرمين و كان يا ما كان
0 تعليقات