غاب صوت الديك
غاب صوت الديك
ولا حد بينادى
يفوق النايمين
يا اهل الله فوقوا
يا خلق الله قوموا من النوم
وبذكر الله ابدأو اليوم
مهما تكون الهموم
عمرها أبدا ماتدوم
والدنيا يوم ويوم
سيبوها ع لله وروقوا
غاب صوت الديك
ولا حد بينادى
يفوق النايمين
يا اهل فوقوا
يا عظيم الجاه يارب الناس
من فاتك تاه واحتار واحتاس
اهدي قلوب الناس
واملاها بالإحساس
تحس الناس بالناس
ويعود الإحسان وذوقهُ
غاب صوت الديك
ولا حد بينادى
يفوق النايمين
يا اهل الله فوقوا
ياشمس الحرية دفينا وغطينا
دي العيشه هنيه إن حبينا بعضينا
هتهل الرحمة علينا
والبركة تملا ايدينا
وتصفى الدنيا لينا
وحلاوة الراحة تدوقوا
غاب صوت الديك
ولا حد بينادى
يفوق النايمين
يا اهل الله فوقوا
الفجر قرب قرب يشقشق
الطهر جرب الزمن بيسرق
زي العصفور زقزق
رقق قلبك رقق
عايش ليه بتبرق
يا اخي السلام عليكوا
غاب صوت الديك
ولا حد بينادى
يفوق النايمين
يا اهل الله فوقوا
الشاعر السيد حسن
0 تعليقات