من مكان واحد العالم الليلة على مسئوليتى الشخصية
السعودية
■ الزعيم البطل .... عبد الفتاح السيسى راح زيارة مفاجأة للسعودية وقابل ولى العهد بن سلمان...!! ■ والصراحة يعنى زيارة الزعيم البطل عبد الفتاح السيسى للسعودية أكدت كل كلمة أنا قولتها فى أخبار سابقة إللى فاتت لَمَّا قولتلكم إن السعودية مستهدفة...!! ■ معظم التحليلات السياسية وصقور السوشيال ميديا بتقول إن زيارة الزعيم للسعودية علشان إن إسرائيل أخدت قرار بإجتياح غزة وإحتلالها....!!بس أنا جاى أقولكم لاء خالص....!!زيارة_الزعيم البطل السيسى للسعودية فى الأساس علشان السعودية نفسها ودعم للسعودية نفسها حضرتك!!!هتقولى إزاى يا معالى الجنرال.... معقول!!! شوف يا سيدى....!! زيارة الزعيم البطل السيسى للسعودية جت فى توقيت خطير جداً...!!
قبل_ضرب_ايران ■ ااه_حضرتك ... إيران هتنضرب ومش أى ضربة!! ■ دى هتدشمل خالص وإحتمال إن إيران تِدَوَر الضرب فى كل منطقة الخليج!!! ■ هتقولى طب والتعبئة العامة إللى عملاها إسرائيل يا جنرال !!!!!!
■شوف يا صديقى.... ■ التاريخ_بيقول....
■إن إسرائيل لما بتحشد فى مكان أو بتدعى إنها بتحشد قواتها فى مكان .... يبقا هتضرب مكان تانى خالص...!! ■ سنة ٦٧ إسرائيل كانت بتقول إنها بتحشد على الجبهة السورية....!!
■وكل التقارير المخابراتية السوفيتية والعالمية كانت بتقول إن اسرائيل بتحشد ع الجبهة السورية!! ■ وفى الآخر ضربت الجبهة المصرية...!! فمن_وجهة_نظرى_المتواضعة إن التعبئة العامة فى الجيش الإسرائيلى مش علشان غزة...!!غزة دى أوضتين وصالة...!!
■إنما التعبئة العامة فى قوات الإحتياط دى علشان الحرب مع إيران ....علشان كدا الزعيم البطل السيسى راح زيارة مفاجأة للسعودية لحاجتين لا ثالث لهما..!! ■ أول_حاجة ..... علشان يقولهم مصر عند وعدها وفى ضهركم ومسافة السكة!!! ■ علشان الهجوم كان ع السعودية الفترة إللى فاتت كان عنيف جداً بسبب مواقفها الدولية!!! ■ وتانى حاجة لتنسيق المواقف الدولية مع مصر وإعلان الدولة الفلسطينية!!!
==== وع الناحية التانية من العالم .....
=== إيطاليا... ■ فى خناقة كبيرة بين إيطاليا وفرنسا... ■ وإستدعاء سفراء وأزمة دبلوماسية وليلة كبيرة سعادتك!! ■ هتقولى خير اللهم أجعله خير حصل إيه ؟؟ ■ شوف يا سيدى...
■نائب رئيسة الوزاراء الإيطالية ماتيو سالفينى طلع وإتريأ على ماكرون...!! ■ علشان ماكرون بيطالب بإرسال قوات أوروبية لأوكرانيا علشان تحارب ضد روسيا!!! ■ ف ماتيو سالفينى طلع وقال ....هو ماكرون دا مجنون... ولا عنده خال عبيط!!! طب ما يروح بنفسه ويلبس خوذة وياخد سلاح ويورينا نفسه!!!
على_فكرة .... هو قال كدا حرفياً!!!
طبعاً الكلام معجبش الدولة الفرنسية وإستدعوا السفير الإيطالى فى فرنسا وإدوله من المنقى يا خيار!!!
=== وع الناحية التانية من العالم ....
=== أمريكا ...وبعد ما بوتين راح ألآسكا...!!
■وبعد ما رؤساء الدول الأوروبية راحوا أمريكا...!! ■ تفتكر يا معالى الجنرال هيحصل سلام ؟ ■ شوف يا سيدى ....كل المحللين... وكل الصقور قعدوا يشيلوا ويحطوا ويْلِتوا ويعجنوا، فإللى عمله ترامب، وشوف مقعدهم إزاى وشوف إستقبل بوتين إزاى ..... وأى هجص والسلام!!! أجيبلك من الآخر...!!!عشان بحبك.
■كل إللى حصل من ترامب وقادة أوروبا ما هو إلا خطة إستراتيجية لكسب الوقت!!!
■يعنى إيه الكلام ده!!! ■ يعنى أوروبا وأمريكا عايزين وقف لإطلاق النار لكسب الوقت علشان تكون المصانع الحربية إللى بتبنيها أوروبا فى فرنسا والمانيا وإيطاليا وبريطانيا إشتغلت بكامل قوتها ويكونوا جهزوا جيوشهم للحرب ...
■الحرب_يا_معالى_الجنرال !!!نعم نعم نعم
■ آه_يا_برنس...!! ■ المانيا معندهاش جيش يا معلم وطلع وزير دفاعهم وقال علشان أجهز جيش قدامى لحد ٢٠٢٨ . ورئيس_وزراء_إنجلترا ستارمر طلع وقال أنا محتاج فرصة لحد ٢٠٣٠ علشان أجهز الجيوش البريطانية للحرب وتكون المصانع العسكرية إللى عندى إشتغلت بكامل طاقتها فى ظل الأزمة الإقتصادية!!!
■وَشَرْحُه_فرنسا_حضرتك ■فالحل_إيه ...؟؟
■نحاول نكسب وقت قبل ما روسيا تِكَوِش على كله علشان لو روسيا خلصت على أوكرانيا مفيش حد هيقدر يقف قصادها وهتجتاح أوروبا كلها فى الوقت الحالى ....ودا سبب تمويلهم للحرب الأوكرانية يا برنس!!!
■ زلينسكى نفسه فى كذا خطاب طلع وقال إحنا بنحارب بالنيابة عن أوروبا!!! طب يعملوا إيه....!!! ■ بس مفيش حل غير إنهم يكسبوا وقت...!! ■ ويحاولوا يوقعوا إتفاقيات لوقف إطلاق النار لحد ما يجهزوا عسكرياً...!!
■ طب دا حصل قبل كدا يا جنرال ؟؟
■آآآه طبعاً!!! ■ سنة_٢٠١٥ وَقَعَت روسيا مع أوكرانيا إتفاقية مينسك لوقف إطلاق النار بينها وبين أوكرانيا برعاية فرنسا وألمانيا وكانت ميركل ساعتها ست كل الستات وكلمتها بتوقف أى شنب فى أوروبا..!! ■ بس سنة ٢٠٢٢ طلع بوتين وقال.... ■ أكبر غلطة سياسية غلطتها روسيا إنها وَقَعِت على إتفاقية مينسك!!!
■علشان كانت فخ لروسيا...!!
■طب كانت فخ لروسيا ليه يا معالى الجنرال؟؟علشان روسيا سنة ٢٠١٥ كانت هتجتاح أوكرانيا وتخلص الليلة دى كلها!!!
■بس المانيا بقيادة ميركل قِدْرِت ساعتها توقف الدنيا دى كلها وتقنع بوتين بوقف إطلاق النار!!! ■ لحد ما قدروا فى خلال سبع سنين يجهزوا الجيش الأوكرانى إللى إنت شايفه دلوقتى واقف قصاد روسيا!!! ■ علشان كدا طلع بوتين وقال إن إتفاقيات مينسك دى كانت خدعة!!! السؤال_هنا.... ■ هل برضوا بوتين سنة ٢٠٢٥ هيقبل بوقف إطلاق النار ولا هيتمسك بشروطة وهو إعلان هزيمة أوكرانيا!!!
■وإن أوكرانيا تكون دولة منزوعة السلاح!!!
■طبعاً أمريكا والأوروبيين رافضين تماماً!!!
■ما هو معنى كدا إن روسيا إنتصرت على أوروبا وأمريكا وإن دا إعلان إستسلام منهم!!
■هما بقا مش عايزين كدا...!! ■ عايزين يكسبوا وقت للتجهيز لحرب أكبر مع روسيا!!!
■بس بوتين فهم اللعبة وقالهم...لا يُلْدَغ المؤمن مرتين من جُحْرٍ واحد!!!
==== وع الناحية التانية من العالم ....
== فنزويلا... ■ فنزويلا دى من أكبر الدول النفطية فى أمريكا الجنوبية...إمبارح المعلم ترامب أمر الجيش الأمريكى محاصرتها بالبوارج البحرية والغواصات النووية!!! ■ قال إيه بيحارب تجار المخدرات هناك...!!يخرب بيت كده ….: منتهى البلطجة والنصب والرزالة:
■الرئيس مادورو رئيس فنزويلا إحتج على الكلام ده وقالك إيه الهجص إللى عايش فيه ترامب ده!!! ترامب عايز يغير النظام فى فنزويلا!!! وراح مادورو رئيس فنزويلا أمر الجيش الفنزويلى بالتعبئة العامة!!!
■وقال لترامب هتضرب .... هنضرب!!!
■والدنيا دلوقتى مولعة فى أمريكا الجنوبية حضرتك!!!والله المستعان.
وع الناحية التانية من العالم ....
==== روسيا.... ■ فى روسيا بقا الجيش الروسى إستهدف مصنع فى مدينة موكاتشيفو فى أوكرانيا...بس مش أى مصنع حضرتك...!!
■دا مصنع أمريكى للصناعات العسكرية فى أوكرانيا وطلع ترامب متضايق ومتعصب ومتنرفز إزاى الجيش الروسى يستهدف مصنع أمريكى فى أوكرانيا...!! ■ مش بقولكم إن أمريكا وأوروبا عايزين ينيموا روسيا فى البليلة لحد ما يبنوا مصانع حربية!!بس روسيا صاحية للفخ ده!!!… ربنا يكرم اللى بيصحصح كالمسحراتى الشهم لكل الناس الصاحى والمغيب.
=== وع الناحية التانية من العالم ....
=== الصين.... ■ الصين عاملة شغل جامد جداً فى باكستان!!!مش كدا وبس...!!
■دا الأسبوع إللى فات وزير خارجية الصين أجتمع مع وزير خارجية باكستان ووزير خارجية أفغانستان لضمهم لمبادرة الحزام والطريق!!!
■تفهم من كدا إيه...!! إن الصين هى إللى حطت على أمريكا فى أفغانستان حضرتك!!!
■ضُم عليهم بقا الهند إللى بترسم الحدود دلوقتى مع الصين وهيشيلوا كل أسباب الخلاف بينهم ...كدا الصين بتجهز نفسها علشان تِرْكَب أمريكا!!!رسمى فهمى نظمى .
==== وع الناحية التانية من العالم
. 🟣 كوكب تحيا مصر 🟣
🟣 وفى تحيا مصر.... ■ الزبيب والدولة المصرية الصناعية العظمى...هتقولى والزبيب ماله ومال الدولة الصناعية العظمى يا جنرال..!!هقولك لاء دا ليه دعوة ودعوة كمان!!!
■ما حضرتك علشان تكون دولة صناعية عظمى لازم يكون عندك مصانع بتصنع من أول الإبرة .... لحد الصاروخ!!! آه لازم يكون عندك مصانع إبر خياطة!!!فى نفس الوقت إللى عندك فيه مصانع بتصنع الصواريخ..!!يعنى الناس إللى إتريقت من خبر إن مصر هتعمل مصنع الزبيب!!! ما أخدتش بالها إن مصر ولأول مرة فى تاريخها تصنع أحدث سلاح فى العالم وإسمه صوت الرعد!!! ■ أيوا المدفع الكورى K9 ..لأول مرة مش يتصنع وبس ...لاء!!!
■دا المصنع إللى إتعمل فى مصر فيه كل تكنولوجيا التصنيع للمدفع ده!!!
■وإنت بتصنعه بنسبة ١٠٠٪ ..وفيه منه نسخة ليك وفيه منه نسخة للتصدير!!! زى أى دولة عظمى فى العالم لَمَّا بتصنع سلاح حديث
بتصنع منه نسخة ليها فيه مواصفات خاصة بيها ....وبتصنع نسخة تانية للتصدير!!!
■المدفع ده بقا للى ميعرفهوش مصنوع خصيصاً لضرب القبة الحديدية الإسرائيلية!!!
■مش كدا وبس...!! دا تم تسليح الفرقة الرابعة إللى فى سيناء بالمدفع ده .... إفهمها بقا زى ما إنت عايز!!!ومش سر اهه عينى عينك.
■هتقولى بس إيه علاقة صوت الرعد بالزبيب يا جنرال!!! لا دى علاقة مهمة جداً!!!
■ما أنا قولتلك ... إنت لازم تصنع الإبرة ... وتصنع الصاروخ وتمتلك القدرة!!!
■بس عارفين الدنيا هاجت على مصانع الزبيب ليه ....؟؟آآآآآه أنا نسيت أقولكم .....
■هو مش مصنع .... دا مجمع تصنيع ضخم جداً!!! كمان لازم تعرفوا ....إن أكبر دولتين فى العالم بيصنعوا الزبيب وبيصدروه للعالم هما أمريكا وتركيا...أظن بقا لما قولتلك تركيا .... كدا إنت عرفت ليه كلاب أردوغان هايجين على مجمع مصانع الزبيب فى مصر!!! علشان مصر لما تعمل المصانع دى حضرتك إنت هتسيطر على سوق الزبيب فى العالم!!! ودى حاجة هتضايق تركيا علشان كدا كلابهم نازلين نبح ...
■الله إنتوا مش كنتوا بتقولوا مبيبنيش مصانع!!! أيوه يعنى هو بيبنى مصانع ولا مبيبنيش!! الدولة المصرية فى عهد الزعيم البطل عبد الفتاح السيسى لحد النهاردة بنت ٦٨ الف مصنع حضرتك!!!من أول مصانع مشابك الغسيل ... لحد مصانع الطيارات والصواريخ مروراً بمصانع الدواء!!!
🟣 كمان فى تحيا مصر ...
■بكل فخر..... صنع فى مصر!!!
■الجملة دى بدأت فى إجتياح إفريقيا والعالم كله!!! لو مش واخد بالك تعالى بقا وأنا أحكيلك...فى ٦٠ شركة مصرية الأسبوع ده إتفقوا مع بعض على تأسيس شركة فى غانا لتصدير منتجاتهم لغانا ومن غانا لكل غرب إفريقيا!!!■وعلى آخر السنة إن شاء الله المنتجات المصرية إللى بكل فخر صنع فى مصر هتكون فى كل بيت فى غانا والكاميرون والكوت ديفوار والسنغال!!! ■ تانى علشان إللى مش معانا من الأول.... ■ علشان تكون دولة عظمى لازم يكون فى ضهرك قارة بتاكل من منتجاتك إللى إنت بتصنعها!!! وبتلبس من منسوجاتك إللى إنت بتصنعها!!!وبتتعالج بالأدوية إللى إنت بتصنعها!!!وبتسمع وتتفرج وبتتأثر بأفلامك يعنى مثلا مقالات الان فى افريقيا بالفرنسية ولغات اخرى كمان ومسلسلاتك ولغتك وبتيجى تتعلم عندك فى كلياتك!!! ■ وبتتسلح بسلاحك إللى إنت بتصنعه!!!دا إللى إحنا بنسميه القوى الناعمة للدولة المصرية العظمة إللى بتسيطر بيها على شعوب المنطقة!!! ■ عارفين إيه سبب قلق الدول العربية والخليجية وشعوبهم من مصر!!!
■أنا بقول قلق .... مش عايز أقول كُرْه!!! واضح
■علشان إنت كدولة مصرية وشعب مصرى عندك الأسباب إللى تخليك دولة عظمى وتقود المنطقة كلها وإنت قاعد حاطط رجل على رجل حضرتك...وتحتسي فنجان من القهوة العربي كمان يلا….: ■ ودى مش موجودة فى أى دولة فى المنطقة....هنا بس فى ام الدنيا …..واضح
■أول حاجة اللكنة واللغة المصرية..... سهلة ومحبوبة وكل شعوب الدول العربية والخليجية بيحبوها بل يمكن أى حد فيهم بيعرف يتكلم مصرى بيتباهى بإنه بيعرف يتكلم مصرى!!
■تانى حاجة الفن المصرى العظيم إللى مفيش بيت فى الشرق الأوسط ميعرفش أسماء الفنانين المصريين ...حد مثلاً يفتكر فنان مغربى ؟؟أو فنان جزائرى ؟؟أو فنان تونسى ؟؟
■مش هتعرف حد منهم إلا إذا جه مصر وغنى أو مَثِّل فى السينما المصرية!!! ■ وعلشان يتشهر لازم الأول يغنى مصرى ويغنى لمصر!!!
■تالت حاجة وأهم حاجة الإرث الحضارى والعلمى الرهيب إللى العلماء المصريين أثروا بيه الحضارة الإنسانية!!! ■ مصر عندها مقومات الدولة العظمى من زمان بس مفيش رئيس آمن بالفكرة دى وإشتغل عليها غير إتنين!!! 🟣 الزعيم جمال عبد الناصر
🟣 والزعيم البطل عبد الفتاح السيسى!!!
🟣 🟣 🟣 كمان فى تحيا مصر....
■الجيش المصرى ما أخدش الطيارة الحربية j10 الصينية!!إللى كل الناس صدعونا بيها!!!
■أحب أقولكم هو مكنش أصلاً هياخدها .... بس دى كانت أكبر خطة خداع إستراتيجى!!!
■علشان هو أخد حاجة أهم وأقوى من الجيش الصينى!!! ■وهتعمل رعب فى المنطقة!!! لو عايزين تعرفوا ..... يبقا إستنونى فى (( من مكان واحد العالم الليلة )) القادمة!!!
كفاية كده النهاردة علشان بحبكم ومازلت بحب البنت الاسكندرانية اللى مظهرتش فى عالم الليلة وربنا يحفظها ويحفظكم قادر ياكريم ….. يلا نحمد ربنا ….. وإذكروا الله كثيرا لعلكم تفلحون.
0 تعليقات